საზოგადოება
04.06.2025 11:33
კეთილმოწყობის სააგენტოს თანამშრომლებს სამუშაო უნიფორმები გადაეცათ
გორის მუნიციპალიტეტის კეთილმოწყობის სააგენტოს თანამშრომლებს სამუშაო უნიფორმები გადაეცათ.
სპეც. ტანსაცმელი 300-ზე მეტ დასაქმებულს გორის მუნიციპალიტეტის მერის მოვალეობის შემსრულებელმა კონსტანტინე ბუზალაძემ გადასცა და აღნიშნა, რომ მუნიციპალიტეტისთვის მათი საქმიანობა განსაკუთრებით მნიშვნელოვანია.
„თქვენ ზრუნავთ ჩვენი ქალაქის სისუფთავეზე, იერსახეზე, გამწვანებასა და კეთილმოწყობაზე. თქვენი საქმიანობა განსაკუთრებით მნიშვნელოვანია ჩვენი მუნიციპალიტეტისთვის. მინდა, გამოვხატო გულწრფელი პატივისცემა და მადლიერება თითოეული თქვენგანის მიმართ“, - განაცხადა კონსტანტინე ბუზალაძემ.
მერის მოვალეობის შემსრულებელმა ორგანიზაციის ადმინისტრაციული შენობა და სააგენტოს სანერგე მეურნეობაც დაათვალიერა.
