გორის მუნიციპალიტეტის კულტურის განვითარების ხელშეწყობის სააგენტოს ანა ფერაძის სახელობის გორის სამხატვრო სკოლაში (მის.: გორი, ფარნავაზის ქ. 1) ნამუშევრების გამოფენა დღეს, 30 მაისს მოეწყობა.

ორგანიზატორების ინფორმაციით, ღონისძიება 17:00 საათზე დაიწყება და დამთვალიერებელს შესაძლებლობა ექნება, სკოლაში მოღვაწე პედაგოგთა მიერ შესრულებული, სხვადასხვა ჟანრის ნამუშევრები იხილოს.

გამოფენაზე დასწრება თავისუფალია.