ეროვნული თავდაცვის აკადემია სკოლის მოსწავლეებთან საინფორმაციო სახის შეხვედრებს აგრძელებს.

უმაღლესმა საგანმანათლებლო დაწესებულებამ, ამჯერად, გორის მუნიციპალიტეტის სოფელ ვარიანის საჯარო სკოლის მოსწავლეებს უმასპინძლა.

აკადემიის ადმინისტრაციამ ახალგაზრდებს სასწავლებლის შესახებ პრეზენტაცია წარუდგინა, ასევე, გააცნო საბაკალავრო პროგრამები და მიღების პირობები.

სტუმრებმა მიიღეს ინფორმაცია გაცვლითი პროგრამების და სტიპენდიის შესახებაც.

შეხვედრის დასრულების შემდეგ, მოსწავლეებმა აკადემიის ინფრასტრუქტურა დაათვალიერეს და ახლადგახსნილი სასწავლო სივრცეები მოინახულეს.