საზოგადოება
19.05.2025 15:50
სურსათის ეროვნული სააგენტო მოქალაქეებს სავაჭრო ობიექტებში დარღვევების აღმოსაფხვრელად ჩართულობისკენ მოუწოდებს
სურსათის ეროვნული სააგენტო მოქალაქეებს მოუწოდებს, სურსათის უვნებლობის მოთხოვნების დარღვევის შემთხვევაში, დაუყოვნებლივ დარეკონ სააგენტოს ცხელ ხაზზე.
როგორც უწყებაში განმარტავენ, ეტიკეტირების წესის, ჰიგიენური ნორმების, ტემპერატურული რეჟიმის და განთავსება-რეალიზაციის პირობების შეუსაბამობის აღმოჩენისას, მოქალაქეებმა უნდა დარეკონ ნომერზე 15-01 და ოპერატორს მიაწოდონ დეტალური ინფორმაცია: დარღვევის ტიპის, ობიექტის მისამართის და დასახელების შესახებ.
„დარღვევაზე დროული რეაგირებისთვის მნიშვნელოვანია თქვენი ჩართულობა. როდესაც დარღვეულია სურსათის უვნებლობის მოთხოვნები სავაჭრო და კვების ობიექტებზე, გთხოვთ, დაგვიკავშირდეთ სააგენტოს ცხელ ხაზზე. ანონიმურობა დაცულია“, - აცხადებენ სააგენტოში.
