17 მაისს, ოჯახის სიწმინდისა და სიმტკიცის დღე, გორში სხვადასხვა ღონისძიებით აღინიშნება.

გორისა და ატენის ეპარქიის მიერ გავრცელებული ინფორმაციით, 14:00 საათზე, მაცხოვრის აღდგომის მშენებარე საკათედრო ტაძარში ყოვლადწმინდა ღვთისმშობლის სავედრებელი პარაკლისი შესრულდება.

პარაკლისის დასრულების შემდეგ, ქალაქის ქუჩებში საზეიმო მსვლელობა მოეწყობა.

შეგახსენებთ, 17 მაისი ოჯახის სიწმინდისა და მშობლების პატივისცემის დღედ, საქართველოს კათოლიკოს-პატრიარქის ინიციატივით 2014 წლიდან დაწესდა.