სუმოში გამართულ ევროპის თასზე - „EUROPEAN SUMO CUP 2025“ გორელმა სპორტსმენებმა სხვადასხვა სინჯის მედლები მოიპოვეს.

ბადრი ხატისკაცი და ლუკა ავაზაშვილი ორ-ორ წონით კატეგორიაში ასპარეზობდნენ.

რაც შეეხება შედეგებს, +115 კგ. წონით კატეგორიაში ორივე სპორტსმენმა ბრინჯაოს მედალი მოიპოვა, აბსოლუტურში ლუკა ავაზაშვილი - ვერცხლის მედალს დაეუფლა, ხატისკაცის ანგარიშზე კი ბრინჯაოს მედალია.

ორივე სპორტსმენი შოთა ჩოჩიშვილის სახელობის გორის კომპლექსური სპორტული სკოლის აღზრდილია და მათი მწვრთნელი მერაბ პაიჭაძეა. სუმოისტები არაერთი შეჯიბრის გამარჯვებულები და პრიზიორები არიან.

ევროპის თასი პოლონეთის ქალაქ სიედლსში ჩატარდა. ტურნირი საქართველოს სუმოს ეროვნულმა ნაკრებმა ხუთი მედლით და საერთო გუნდურ ჩათვლაში მესამე ადგილით დაასრულა.