გორის, ქარელის და ხაშურის მუნიციპალიტეტში მცხოვრები 15-19 წლის გოგონებისთვის ტექნოლოგიური სწავლება - „STEAM GIRLS“ იწყება.

პროექტს ორგანიზაცია „ქლევერტონი“ ახორციელებს. სწავლება ხუთი დღის განმავლობაში (19-23 მაისი) გაგრძელდება და კასპის ტექნოპარკი უმასპინძლებს.

როგორც ორგანიზატორები აცხადებენ, პროექტი STEAM-ის მიმართულებებით ვორქშოპებს, მენტორშიფს და გუნდურ ექსპერიმენტებს მოიცავს.

რაც შეეხება პროექტის მიზანს, ახალგაზრდა გოგონების დაინტერესება, STEAM მიმართულებით ცნობიერების ამაღლება, თემატიკის მიხედვით კომერციალიზაციის მქონე, ინოვაციური/ტექნოლოგიური სტარტაპ იდეების და პროტოტიპების შექმნა წაროადგენს.

დაინტერესებულ პირებს რეგისტრაციის გავლა გორის მუნიციპალიტეტის მერიის ოფიციალურ ფეისბუქგვერდზე გამოქვეყნებულ ელექტრონულ მისამართზე შეუძლიათ.