გორის მუნიციპალიტეტის სოფელ ზერტში გზის მოწყობის სამუშაოები გრძელდება.

ადგილობრივი თვითმმართველობის ინფორმაციით, პროექტი რეგიონებში განსახორციელებელი პროექტების ფონდის თანადაფინანსებით ხორციელდება და ამ ეტაპზე გზის საფუძვლის მოწყობა მიმდინარეობს.

„სარეაბილიტაციო გზის სიგრძე 2 კმ და 861 მეტრია, სამუშაოების ღირებულება კი 2 705 500 ლარს შეადგენს. პროექტის მიხედვით მოეწყობა ტრანსპორტის სავალი ნაწილი, ​მიერთებები, ეზოში შესასვლელები, სანიაღვრე სისტემა, საგზაო ნიშნები და მონიშვნები“, - აცხადებენ გორის მერიაში.