საზოგადოება
17.04.2025 13:26
გორელი პედაგოგი გოჩა ჯანეზაშვილი ხელოვნების ბრწყინვალების ორდენით დაჯილდოვდა
გორის კულტურისა და ახალგაზრდობის ცენტრის დოლების წრის პედაგოგი გოჩა ჯანეზაშვილი ხელოვნების ბრწყინვალების ორდენით დაჯილდოვდა.
გორის მუნიციპალიტეტის კულტურის სააგენტოს მიერ გავრცელებული ინფორმაციით, მუსიკოსმა ჯილდო ქართული ხალხური საცეკვაო მუსიკის განვითარება-პოპულარიზაციაში შეტანილი წვლილისთვის დაიმსახურა.
ქართველ აკომპანიატორთა დაჯილდოების ცერემონია - „ქორეომუსიკოსები 2025“ თბილისში ჩატარდა. ღონისძიებაში საქართელოში არსებული სახელმწიფო ანსამბლების მუსიკოს-აკომპანიატორები მონაწილეოდნენ.
ცნობისთვის, მედოლეთა ანსამბლ „ქართლის“ ხელმძღვანელი, სიმღერის და ცეკვის ანსამბლ „გორის“ და თეა დარჩიას ცეკვის სახელოსნო „თედასის“ მუსიკოსი-მედოლე გოჩა ჯანეზაშვილი ამაგდარის ორდენით არის დაჯილდოებული. გარდა ამისა, მუსიკოსი პატრიარქის პრემიის ლაურეატი და ეროვნული ცენტრის საპატიო წევრიცაა.
