რვა მედლით დაასრულეს გორელმა ძიუდოისტებმა ახალგაზრდებს შორის გამართული საქართველოს ჩემპიონატი.

მოპოვებული მედლებიდან ერთი - ოქროს, სამი - ვერცხლის და ოთხი ბრინჯაოს სინჯისაა.

ჩემპიონის ტიტულს გიგი გიუნაშვილი დაეუფლა. სპორტსმენი 73 კგ. კატეგორიაში ასპარეზობდა.

ვერცხლის მედალი დავით ქარელის (66 კგ.), ილია ყველაშვილის (81 კგ.) და ნოდარ კობალაძის (+100 კგ.) ანგარიშზეა.

რაც შეეხება ზურაბ ჭიღლაძეს (81 კგ.), ილია თურაზაშვილს (90 კგ.), ალექსანდრე ჭეჭელაშვილს (100 კგ.) და თამაზ ბიგანაშვილს (+100 კგ.), სპორტსმენები ბრინჯაოს პრიზიორები არიან.

გამარჯვებულ და საპრიზო ადგილებზე გასულ სპორტსმენთაგან შვიდი - გურამ პაპიტაშვილის სახელობის გორის ჭიდაობის კომპლექსური სპორტული სკოლის წარმომადგენელია, ზურაბ ჭიღლაძე კი ძიუდოს კლუბ ,,გორიჯვრის“ სპორტსმენია.

საქართველოს ჩემპიონატი თბილისში ჩატარდა.