სპორტი
08.04.2025 12:06
რატი ბერიძე ქვიშის ჭიდაობაში საქართველოს ჩემპიონია
გორელი რატი ბერიძე ქვიშის ჭიდაობაში საქართველოს ჩემპიონია. სპორტსმენი 60 კგ. წონით კატეგორიაში ასპარეზობდა.
შეჯიბრს, რომელიც 17-წლამდელთა შორის ჩატარდა, ბათუმმა უმასპინძლა.
გამარჯვებულები ოთხ წონით კატეგორიაში გამოვლინდნენ.
რატი ბერიძე შოთა ჩოჩიშვილის სახელობის გორის კომპლექსური სპორტული სკოლის წარმომადგენელია (მწვრთნელები - დავით პოღოსიანი და ოთარ ტლაშაძე).
რაც შეეხება ნაკრების სამომავლო გეგმებს, გორის მუნიციპალიტეტის სპორტის განვითარებისა და ხელშეწყობის სააგენტოს ინფორმაციით, საქართველოს ჭაბუკთა ნაკრები ევროპის ჩემპიონატზე იასპარეზებს, მანამდე კი საწვრთნელ შეკრებას ხორვატიაში გაივლის.
