სულხან ცინცაძის სახელობის სამუსიკო კოლეჯთან არსებულმა გორის გოგონათა გუნდმა რიგაში გამართულ საერთაშორისო საგუნდო კონკურსზე - „RIGA SIGNS 2025“ იმანტ კოკარსის სახელობის გრან-პრი მოიპოვა.

ღონისძიებაში, რომელშიც 12 ქვეყნის 30-ზე მეტი მუსიკალური გუნდი მონაწილეობდა, გორელებმა ახალგაზრდული გუნდების კატეგორიაში პირველი პრემია და ოქროს მედალი მოიპოვეს.

აღსანიშნავია, რომ ნომინაციაში - „საუკეთესო დირიჟორი“ გორის გოგონათა გუნდის ქორმაისტერმა ნინო წიკლაურმა გაიმარჯვა.

ცნობისთვის, გორის გოგონათა გუნდი რიგაში გამართულ საერთაშორისო კონკურსზე საქართველოს კულტურის სამინისტროს და გორის მუნიციპალიტეტის მერიის მხარდაჭერით გაემგზავრა.