გორის განვითარების სააგენტოს კოორდინაციით, პროგრამირების სასწავლო კურსის - Code-IT მესამე მოდული დაიწყო.

სააგენტოს ინფორმაციით, პროექტი 16 სალექციო კურსს მოიცავს. მონაწილეები თანამედროვე ვებ-პროგრამირების ერთ-ერთ ყველაზე მოთხოვნად ტექნოლოგიას - Next.js - React Framework-ს შეისწავლიან.

პროექტის დასრულების შემდეგ მონაწილეები სერტიფიკატებს მიიღებენ.

„ახალგაზრდების მაღალი დაინტერესების გამო, აპლიკანტები სარეგისტრაციო ბმულის შევსების შემდეგ გასაუბრების და ტექნიკური დავალების საფუძველზე შეირჩნენ. საუკეთესო სტუდენტები კურსის დასრულების შემდეგ სერტიფიკატებს მიიღებენ, რაც მათ დასაქმების პერსპექტივას მნიშვნელოვნად გაუმჯობესებს“, - აცხადებენ სააგენტოში.