სპორტი
10.03.2025 16:10
ანტალიაში გამართულ ევროპის თასზე გორელმა ძიუდოისტებმა სხვადასხვა სინჯის მედლები მოიპოვეს
ორი - ვერცხლის და ერთი ბრინჯაოს მედლით დაასრულეს გორელმა ძიუდოისტებმა ანტალიაში გამართული კადეტთა ევროპის თასი.
ტურნირის ვერცხლის პრიზიორები გიორგი ბაბუციძე (60 კგ; მწვრთნელი ვეფხია ბაზანადარაშვილი) და იოანე აბალაკი (+90 კგ; მწვრთნელი მალხაზ ავაზნელი) გახდნენ.
ქეთი რობაქიძემ (70 კგ; მწვრთნელი ირაკლი ლომიძე) კი ასპარეზობა ბრინჯაოს მედლით დაასრულა.
საპრიზო ადგილებზე გასულ სპორტსმენთაგან ორი - გურამ პაპიტაშვილის სახელობის გორის ჭიდაობის კომპლექსური სპორტული სკოლის ძიუდოისტია. იოანე აბალაკი კი ძიუდოს კლუბის „გორიჯვარი“ წარმომადგენელია.
