საქართველოს ჩემპიონატზე ავთანდილ შოშიაშვილის სახელობის გორის კრივის სპეციალიზებული სპორტული სკოლის მოკრივეებმა ერთი - ოქროს და ერთი ვერცხლის მედალი მოიპოვეს.

საქართველოს ჩემპიონი ანანო ქობულაშვილი (46 კგ; მწვრთნელი ბადრი ყულუმბეგაშვილი) გახდა.

მეორე ადგილს და ვიცე-ჩემპიონის ტიტულს კი თემურ პავლიაშვილი (60 კგ; მწვრთნელი ილია ტლაშაძე) დაეუფლა.

ზემოაღნიშნული სკოლის სპორტსმენების გარდა, ჩემპიონატზე გიორგი კანდელაკის სახელობის ვარიანის კრივის სკოლის წარმომადგენლებმაც იასპარეზეს. სპორტსმენების ანგარიშზე სამი მედალია.

ნიკოლოზ ხიზანიშვილი (57 კგ; მწვრთნელი გელა სხირტლაძე) ჩემპიონატის გამარჯვებული გახდა.

ზაზა მდინარიძე (46 კგ. მწვრთნელი მიხეილ გაბინაშვილი) და ილია პაპუაშვილი (70 კგ; მწვრთნელი თემურ აბულაძე) ვერცხლის პრიზიორები არიან.

საქართველოს ჩემპიონატს ბათუმმა უმასპინძლა.