უამინდობის და დიდთოვლობის გამო, გორის მუნიციპალიტეტის სკოლებში სასწავლო პროცესი არ შეფერხებულა, - აღნიშნულის შესახებ „გორის მაცნესთან“ გორის საგანმანათლებლო რესურსცენტრის უფროსმა განაცხადა. გიორგი ბერძნიშვილის ინფორმაციით, სკოლებს შეუფერხებლად მიეწოდება გაზი და ელექტროენერგია.

„სასწავლო პროცესი მუნიციპალიტეტის დაქვემდებარებაში მყოფ 67-ვე საჯარო სკოლაში მიმდინარეობს, თუმცა, მოსწავლეების სიმცირე ფიქსირდება.

უამინდობის მიუხედავად, არცერთ სკოლაში არ შეფერხებულა გაზის და ელექტროენერგიის მიწოდება. ამდენად, სასწავლო პროცესი ჩვეულ რეჟიმში გრძელდება“, - „გორის მაცნესთან“ აღნიშნა გიორგი ბერძნიშვილმა.