საზოგადოება
19.02.2025 11:44
მაჟორიტარი დეპუტატი გიორგი სოსიაშვილი წმინდა იოანე მოწყალის საქველმოქმედო ცენტრში ბენეფიციართა საჭიროებებს გაეცნო
საქართველოს პარლამენტის წევრმა გიორგი სოსიაშვილმა გორისა და ატენის მიტროპოლიტ მეუფე ანდრიასთან (გვაზავა) ერთად, გორისა და ატენის ეპარქიასთან არსებული წმინდა იოანე მოწყალის საქველმოქმედო ცენტრი მოინახულა.
ვიზიტის ფარგლებში, სტუმრებმა საქველმოქმედო ცენტრთან არსებული უპოვართა სასადილო, მოხუცებულთა თავშესაფრისთვის განკუთვნილი სივრცე დაათვალიერეს და ბენეფიციართა საჭიროებებს გაეცნენ.
წმ. იოანე მოწყალის საქველმოქმედო ცენტრში უფასო სასადილო მოქმედებს, რომლის ბენეფიციარი 300 ადამიანია. მოხუცებულთათვის, ასევე, ფუნქციონირებს დღის ცენტრი და შინმოვლის სამსახური.
