საზოგადოება
17.02.2025 12:27
არაფხიზელ მდგომარეობაში ავტომობილის მართვაზე დაწესებული სანქციები გამკაცრდება
არაფხიზელ მდგომარეობაში ავტომობილის მართვაზე დაწესებული სანქციები გამკაცრდება, - ადმინისტრაციულ სამართალდარღვევათა კოდექსში შესატანი ცვლილებები საქართველოს პარლამენტში უკვე დაინიცირდა და საკანონმდებლო ორგანო დაჩქარებული წესით განიხილავს.
კანონპროექტის თანახმად, არაფხიზელ მდგომარეობაში ავტომობილის მართვაზე მიდგომა მკაცრდება. მართალია, ამ ტიპის დანაშაულზე არსებული კანონმდებლობით მოქმედი ფულადი ჯარიმა და ადმინისტრაციული პატიმრობის ვადა უცვლელი რჩება, თუმცა იზრდება მართვის მოწმობის ჩამორთმევის ხანგრძლივობა.
კერძოდ, ადმინისტრაციულ სამართალდარღვევათა კოდექსში დაგეგმილი ცვლილებების თანახმად, იმ შემთხვევაში თუ მძღოლს გარკვეულ 3 ტიპის ადმინისტრაციულ დარღვევაზე, დაკისრებული აქვს ადმინისტრაციული სახდელი, მართვის მოწმობის უფლება აქვს ჩამორთმეული და ამ სახდელის პერიოდში კვლავ იგივე სამართალდარღვევა დაუფიქსირდება, მართვის მოწმობის შეჩერების ვადა კიდევ 1 წლით გაეზრდება.
