საზოგადოება
04.02.2025 12:56
გურამ პაპიტაშვილის ქუჩის მიმდებარედ დასასვენებელი სივრცე მოეწყობა
გორში, გურამ პაპიტაშვილის ქუჩის მიმდებარედ, დასასვენებელი სივრცის მოწყობა იგეგმება.
ადგილობრივი თვითმმართველობის ცნობით, პროექტის მიხედვით მოეწყობა: ბილიკები (დეკორატიული ფილებით), კაუჩუკის მოედანი, ბორდიურები; გაკეთდება მოაჯირი, განლაგდება ატრაქციონები; დამონტაჟდება გარეგანათება, ასევე, სარწყავი სისტემა; განთავსდება საპარკე ავეჯი და გამწვანდება ტერიტორია.
პროექტი „სამოქალაქო ბიუჯეტი 2025“-ის ფარგლებში ხორციელდება. პროგრამის მიზანი მუნიციპალურ პროცესებში მოქალაქეთა ჩართულობის ზრდის ხელშეწყობა და ადგილობრივი ბიუჯეტის მათი ინტერესების გათვალისწინებით განაწილებაა.
პროგრამის ფარგლებში, მიმდინარე წელს გორის მუნიციპალიტეტში 11 პროექტი განხორციელდება.
