სპორტი
20.01.2025 15:10
გორი მკლავჭიდში იოსებ დურგლიშვილის ხსოვნის მემორიალურ ტურნირს უმასპინძლებს
გორში მსოფლიოს და ევროპის ჩემპიონის - იოსებ დურგლიშვილის ხსოვნის მემორიალური ტურნირი გაიმართება მკლავჭიდში.
შეჯიბრი 25 იანვარს 13:00 საათზე დაიწყება და შოთა ჩოჩიშვილის სახელობის გორის კომპლექსური სპორტული სკოლის დარბაზში ჩატარდება.
სპორტულ აქტივობაში საქართველოს რეგიონებში მცხოვრები სპორტსმენები იასპარეზებენ.
მკლავჭიდელები პირველობისთვის ერთმანეთს ხუთ წონით კატეგორიაში (როგორც მარცხენა, ისე მარჯვენა მკლავი) დაუპირისპირდებიან.
იოსებ დურგლიშვილის ხსოვნის მემორიალური ტურნირი გორის მუნიციპალიტეტის სპორტის განვითარებისა და ხელშეწყობის სააგენტოს ორგანიზებით გაიმართება.
