მგზავრთა გაზრდილი ნაკადის გამო, საქართველოს რკინიგზა რეისებს ამატებს.

კომპანიის მიერ გავრცელებული ინფორმაციით, დამატებითი რეისი 11 და 12 იანვარს თბილისი-ფოთი-თბილისის მიმართულებით შესრულდება.

რაც შეეხება განრიგს, მატარებელი 11, 12 იანვარს თბილისიდან 08:50 საათზე გავა და მგზავრები ფოთში 15:12 საათზე ჩავლენ.

ფოთიდან კი თბილისის მიმართულებით რეისი 17:15 საათზე შესრულდება და მატარებელი თბილისში 23:18 საათზე იქნება.

მსურველები ბილეთების შეძენას საქართველოს რკინიგზის ოფიციალურ ვებგვერდზე, სწრაფი გადახდის აპარატებით, საქართველოს რკინიგზის პარტნიორი კომპანიების მეშვეობით და საქართველოს რკინიგზის სალაროებში შეძლებენ.