გორის მუნიციპალიტეტის საბავშვო ბაღები ახალი სათამაშოებით აღიჭურვა.

სკოლამდელი აღზრდის სააგენტოს ინფორმაციით, საახალწლო არდადეგებიდან დაბრუნებულ აღსაზრდელებს საბავშვო ბაღებში ახალი სათამაშოები დახვდებათ.

„გორის მუნიციპალიტეტის 64-ვე საბავშვო ბაღი აღიჭურვა 30-ზე მეტი სახეობის, მაღალი ხარისხის, ეკოლოგიურად სუფთა სათამაშოებით, რისთვისაც სააგენტოს ბიუჯეტიდან 100 000 ლარამდე დაიხარჯა.

სათამაშოები ყველა ასაკობრივი ჯგუფის აღსაზრდელების განვითარებისთვისაა გათვლილი“, - აცხადებენ სააგენტოში.