საქართველოს საავტომობილო გზების დეპარტამენტის ინფორმაციით, თოვის და ლიპყინულის გამო, საერთაშორისო მნიშვნელობის მცხეთა-სტეფანწმინდა-ლარსის საავტომობილო გზის გუდაური (ფოსტა)-კობის მონაკვეთზე დროებით იზღუდება მისაბმელიანი და ნახევრადმისაბმელიანი ავტოტრანსპორტის მოძრაობა. რაც შეეხება დანარჩენი სახის ავტოტრანსპორტის გადაადგილებას, შეზღუდვები არ მოქმედებს და გადაადგილება თავისუფალია.

უწყების ინფორმაციით, სტეფანწმინდა-ლარსის მონაკვეთზე კი ავტოტრანსპორტის მოძრაობა გაუჩერებლად გავლის რეჟიმში განხორციელდება.