მგზავრთა გაზრდილი ნაკადის გამო, საქართველოს რკინიგზა რეისებს ამატებს.

კომპანიის მიერ გავრცელებული ინფორმაციით, დამატებითი რეისი 29 და 30 დეკემბერს თბილისი-ფოთი-თბილისის მიმართულებით შესრულდება.

რაც შეეხება განრიგს, მატარებელი 29, 30 დეკემბერს თბილისიდან 08:50 საათზე გავა და მგზავრები ფოთში 15:12 საათზე ჩავლენ.

ფოთიდან კი თბილისის მიმართულებით რეისი 17:30 საათზე შესრულდება და მატარებელი თბილისში 23:18 საათზე იქნება.

მსურველები ბილეთების შეძენას საქართველოს რკინიგზის ოფიციალურ ვებგვერდზე და საქართველოს რკინიგზის სალაროებში შეძლებენ.