გ. ერისთავის სახელობის სახელმწიფო დრამატულმა თეატრმა დეკემბერში ჩანიშნული ყველა სპექტაკლის ჩვენება გააუქმა.

აღნიშნულის შესახებ საზოგადოებას თეატრის ადმინისტრაციამ „ფეისბუქის“ საშუალებით აცნობა. ინფორმაციაში აღნიშნულია, რომ ყველა იმ პირს, ვინც დეკემბერში ჩანიშნულ სპექტაკლებზე დასასწრები ბილეთები შეიძინა, თანხა დაუბრუნდება.

„ქვეყანაში შექმნილი მდგომარეობის გამო, დეკემბერში ჩანიშნული ყველა სპექტაკლი მოხსნილია!

ბოდიშს ვუხდით ჩვენს მაყურებელს და ბილეთების დაბრუნების მსურველებს, გთხოვთ, მიაკითხოთ თეატრის სალაროს (ტელ.: 0370277932; 577390350)“, - აღნიშნულია ინფორმაციაში, რომელსაც თეატრი ავრცელებს.