გორის თეატრი, კლასიკური დრამატურგიის თეატრალური ფესტივალის ფარგლებში, დღეს, 29 ნოემბერს წარმოდგენას უშანგი ჩხეიძის სახელობის დრამატულ თეატრში გამართავს.

რეჟისორი თათა პოპიაშვილი თეატრისმოყვარულებს ამელი ნოტომის რომანის - „მტრის კოსმეტიკა“ და რობერტ სტურუას და ლილი ფოფხაძის პიესის - „მტრის ნიღაბი“, მიხედვით დადგმულ ერთმოქმედებიან დრამას წარუდგენს.

სპექტაკლში გიორგი გოგუაძე, ალექსანდრე მიკუჩაძე - ღაღანიძე (რუსთაველის ეროვნული თეატრის მსახიობი), ამირან ქაჩიბაია და ლევან ოზგებაშვილი მონაწილეობენ.

პროექტი საქართველოს კულტურისა და სპორტის სამინისტროს, ზესტაფონის მუნიციპალიტეტის მერიას და ზესტაფონის მუნიციპალიტეტის საკრებულოს ფინანსური მხარდაჭერით ხორციელდება.