სსიპ - ალექსანდრე ჯავახიშვილის სახელობის გორის მუნიციპალიტეტის სოფელ ძევერის საჯარო სკოლაში ექიმის ვაკანსიაა, რომელიც კვირაში 12-საათიან სამუშაო გრაფიკს გულისხმობს.

რაც შეეხება დამსაქმებლის მოთხოვნებს, კანდიდატს სასურველია ჰქონდეს ბაკალავრის ხარისხი, იყოს დამამთავრებელი კურსის სტუდენტი ან გააჩნდეს პროფესიული განათლება და მინიმუმ 6-თვიანი სამუშაო გამოცდილება (მათ შორის ჩაითვლება მოხალისეობის ან სტაჟირების გამოცდილება).

გამოცხადებულ პოზიციაზე ანაზღაურება 240 ლარია. დაინტერესებულმა პირმა განაცხადი ელექტრონულად - www. pedagogi. ge (teacherjobs. ge)-ზე, 12 ნოემბრის ჩათვლით უნდა გაგზავნოს.

სამუშაოს დაწყების თარიღად 18 ნოემბერია მითითებული.