საგანმანათლებლო პროექტი „ჩემი სოფლის ორნამენტი“ გრძელდება. გორის მუნიციპალიტეტის მერიის მიერ დაფინანსებული პროგრამა სოფელ ახალდაბის საჯარო სკოლასთან თანამშრომლობით ხორციელდება და სკოლის 30-მდე მოსწავლეა ჩართული.

პროგრამის ფარგლებში, მოსწავლეები ხეზე კვეთას სწავლობენ. სასწავლო პროცესი 6-თვიანია და ნოემრის ბოლოს დასრულდება. პროექტის დასრულების შემდეგ კი მოზარდების ნამუშევრების გამოფენა-გაყიდვა გაიმართება.

„აღნიშნული პროექტის მიზანი პროფესიული ცოდნის და უნარების განვითარებაა, რაც სამომავლოდ მოსწავლეებს დასაქმებაში დაეხმარება.

ინიციატივა გორის მუნიციპალიტეტის „განათლების ხელშეწყობისა და თანადაფინანსების პროგრამის“ ფარგლებში ფინანსდება“, - ნათქვამია გორის მერიის მიერ გავრცელებულ ინფორმაციაში.