გიორგი ერისთავის სახელობის დრამატულმა თეატრმა ახალი შემოქმედებითი სეზონი დაიწყო.

ფესტივალ „როტონდას“ დასრულების შემდეგ, გორის თეატრმა უკვე გამოაქვეყნა ინფორმაცია ჩანიშნული სპექტაკლების შესახებ.

24 ოქტომბერს რეჟისორი თათა პოპიაშვილი თეატრისმოყვარულებს ამელი ნოტომის რომანის - „მტრის კოსმეტიკა“ და რობერტ სტურუას და ლილი ფოფხაძის პიესის - „მტრის ნიღაბი“, მიხედვით დადგმულ ერთმოქმედებიან დრამას წარუდგენს.

წარმოდგენაში გიორგი გოგუაძე, ალექსანდრე მიკუჩაძე - ღაღანიძე (რუსთაველის ეროვნული თეატრის მსახიობი), ამირან ქაჩიბაიადა ლევან ოზგებაშვილი მონაწილეობენ.

გორის თეატრის ადმინისტრაციის ინფორმაციით, ბილეთებს შეძენა უკვე შესაძლებელია თეატრის სალაროში, ან ონლაინ, საიტზე: www. biletebi. ge.

სპექტაკლზე სკამების არასტანდარტულად განლაგების გამო ადგილები არ ინომრება.