საზოგადოება
08.10.2024 10:22
ცხოველთა დაცვის საერთაშორისო დღესთან დაკავშირებით, მიუსაფარ ცხოველთა ინტერმუნიციპალურ სააგენტოში ბნავისის საჯარო სკოლის მოსწავლეები იმყოფებოდნენ
ცხოველთა დაცვის საერთაშორისო დღესთან დაკავშირებით, შინაური მიუსაფარი ცხოველების შიდა ქართლის ინტერმუნიციპალურ სააგენტოს გორის მუნიციპალიტეტის სოფელ ბნავისის საჯარო სკოლის მოსწავლეები და პედაგოგები ეწვივნენ.
სტუმრებს სააგენტოს დირექტორის მოადგილემ უმასპინძლა. იოსებ ხაბელაშვილი მოსწავლეებს ცხოველეთა დაცვის საკითხებზე ესაუბრა და ვოლიერები დაათვალიერებინა.
შეგახსენებთ, ცხოველთა დაცვის მსოფლიო დღე 1931 წელს ფლორენციაში, ბუნების დამცველთა საერთაშორისო კონგრესზე დაწესდა. 2011 წელს საქართველო ოფიციალურად დარეგისტრირდა იმ ქვეყნების ნუსხაში, რომლებიც ამ დღეს რეგულარულად აღნიშნავენ.
თარიღის აღნიშვნის მიზანია, გააერთიანოს ადამიანთა ძალისხმევა ცხოველთა სამყაროს და შინაური ცხოველების უფლებების დასაცავად.
