„შიდა ქართლის სპორტული თამაშები 2024“-ის ფარგლებში, ფეხბურთში რეგიონული პირველობა ჩატარდება.

გამარჯვებისთვის ერთმანეთს გორის და ქარელის გუნდები დაუპირისპირდებიან.

თამაში დღეს, 4 ოქტომბერს, 19:00 საათზე დაიწყება.

რაც შეეხება მესამე ადგილისთვის ბრძოლას, გორის მუნიციპალიტეტის მერიის ცნობით, მატჩი დღესვე, ხაშურის და კასპის გუნდებს შორის ჩატარდება. თამაში 17:30 საათზე დაიწყება.

ორივე შეხვედრა თენგიზ ბურჯანაძის სახელობის გორის ცენტრალურ სტადიონზე გაიმართება.