უეფას ერთა ლიგის 2024-2025 წლის სეზონის მეოთხე შეხვედრას საქართველოს ეროვნული ნაკრები ალბანეთის წინააღმდეგ გამართავს.

მატჩზე დასასწრები ბილეთების გაყიდვა ხვალ, 28 სექტემებერს, 12:00 საათიდან დაიწყება და მსურველებს შეძენა ონლაინ - TKT.GE-ზე შეეძლებათ.

საქართველოს ფეხბურთის ფედერაციის ინფორმაციით, ბილეთის ფასი 10, 30 და 50 ლარი იქნება. თითოეულ მომხმარებელს კი მატჩზე დასასწრები მაქსიმუმ ორი ბილეთის შეძენა შეუძლია.

საქართველო-ალბანეთის საფეხბურთო მატჩი 14 ოქტომბერს 20:00 საათზე დაიწყება. თამაში მიხეილ მესხის სახელობის სტადიონზე გაიმართება.