საზოგადოება
18.09.2024 11:15
კარალეთში დასასვენებელი სივრცის მოწყობა გრძელდება
გორის მუნიციპალიტეტის სოფელ კარალეთში, სკოლის მიმდებარედ, დასასვენებელი სივრცის მოწყობა აქტიურ რეჟიმში მიმდინარეობს.
ადგილობრივი თვითმმართველობის ინფორმაციით, პროექტის მიხედვით მოეწყობა: ბილიკები ბეტონის დეკორატიული ფილებით, საბავშვო სივრცე, კაუჩუკის მოედანი, მოაჯირები, ღობე; განლაგდება ატრაქციონები და საპარკე ავეჯი, ასევე, დამონტაჟდება განათება და სარწყავი სისტემა. იგეგმება რეკრეაციული სივრცის გამწვანებაც.
სამუშაოები „სამოქალაქო ბიუჯეტი 2024“-ის ფარგლებში ხორციელდება და როგორც გორის მერიაში აცხადებენ, პროგრამა - „სამოქალაქო ბიუჯეტის“ მიზანია მუნიციპალურ პროცესებში მოქალაქეთა ჩართულობის ზრდის ხელშეწყობა და ადგილობრივი ბიუჯეტის მათი ინტერესების გათვალისწინებით განაწილება.
