საზოგადოება
26.07.2024 15:18
„მშვიდობის კორპუსის“ მოხალისეებმა „საზაფხულო სკოლის“ მოსწავლეებს ამერიკის კულტურა გააცნეს - შეხვედრა გორის ამერიკულ სივრცეში გაიმართა
„მშვიდობის კორპუსის“ ამერიკელი მოხალისეები გორის ცენტრალურ ბიბლიოთეკაში ინგლისურენოვან „საზაფხულო სკოლას“ ესტუმრნენ.
ღონისძიების ფარგლებში, მოხალისეებმა „საზაფხულო სკოლის“ მოსწავლეებთან ამერიკის კულტურის შესახებ ისაუბრეს, მოეწყო შემეცნებითი აქტივობებიც.
„გორის მაცნეს“ ინფორმაციით, „საზაფხულო სკოლა-2024“ გორის ცენტრალურ ბიბლიოთეკაში არსებულ ამერიკულ სივრცეში მიმდინარეობს. ინგლისურენოვან პროექტს აშშ-ს საელჩო აფინანსებს.
პროექტი სივრცის აქტიური მომხმარებლებისთვის ხორციელდება და ამ ეტაპზე ოცი მოსწავლეა ჩართული, რომლებიც არაერთ შემეცნებით აქტივობაში მონაწილეობენ. პროექტის მიზანი კი ახალგაზრდებში ლიდერული, კომუნიკაციის და ჯგუფურობის უნარების წარმოჩენა-გაუმჯობესებაა.
