ტურისტული სერვისების განვითარებასთან დაკავშირებით, გორში, ადგილობრივ მეწარმეებთან შეხვედრა გაიმართა.

ღონისძიება გორის მუნიციპალიტეტის განვითარების სააგენტოს და „ჩეხეთის ცენტრი თბილისის" ორგანიზებით ჩატარდა.

ორგანიზატორების ინფორმაციით, შეხვედრაზე ადგილობრივი განვითარების სფეროებში ტურიზმის როლზე და მუნიციპალიტეტში არსებული ტურისტული ობიექტების პოპულარიზაციის მიზნით, სოციალური მედიის მნიშვნელობაზე ისაუბრეს.

ორგანიზატორები სამომავლო თანამშრომლობაზე შეთანხმდნენ და გამოცდილების გაზიარების კუთხით შეხვედრებიც დაგეგმეს.