ქალაქის ინფრასტრუქტურისა და იერ-სახის გაუმჯობესების მიზნით, გორში, სკვერებისა და გამწვანების ზოლების მოსარწყავად ახალი სისტემა დამონტაჟდება. პროექტით გათვალისწინებული სამუშაოების შესყიდვის მიზნით, მერიამ ტენდერი უკვე გამოაცხადა.
პროექტი, რომლის ღირებულება 508 130 ლარია, მაგისტრალური ქსელის მოწყობას და შიო მღვიმელის ქუჩაზე მდებარე ამორტიზებული სათავე-ნაგებობის რეაბილიტაციას ითვალისწინებს. ტენდერის პირობების თანახმად, სამუშაოები ხელშეკრულების გაფორმებიდან 3 თვეში უნდა დასრულდეს.