გორის მუნიციპალიტეტში არსებული საბავშვო ბაღების პერსონალმა სკოლამდელი გარემოსდაცვითი განათლების შესახებ სწავლებაში მიიღო მონაწილეობა.

ტრენინგი გარემოს დაცვისა და სოფლის მეურნეობის სამინისტროს და სსიპ გარემოსდაცვითი ინფორმაციისა და განათლების ცენტრის ორგანიზებით ჩატარდა.

სკოლამდელი აღზრდის სააგენტოს ინფორმაციით, ტრენინგმოდული მოიცავდა როგორც თეორიული, ისე პრაქტიკული სწავლების კომპონენტებს შემდეგ საკითხებზე: ბიომრავალფეროვნება ჩვენ გარშემო; წყლისა და ენერგიის დაზოგვა; ნარჩენების მართვა და კლიმატის ცვლილება.

„აღნიშნული სწავლება დაფუძნებულია  გარემოსდაცვითი განათლების ხელშეწყობისთვის მომზადებულ სახელმძღვანელოზე - „სკოლამდელი გარემოსდაცვითი განათლება“.

ტრენინგის დასასრულს მსმენელებს სერტიფიკატებთან ერთად საჩუქრად გადაეცათ დამხმარე საგანმანათლებლო მასალები“, - აცხადებენ სააგენტოში.