გორში, აღმაშენებლის გამზირზე  გარეგანათების ახალი სისტემა მოეწყობა.

ადგილობრივი თვითმმართველობის ინფორმაციით, შესაბამისი სამუშაოები ჭავჭავაძის გამზირიდან ევროპის მოედნამდე განხორციელდება.

სამუშაოების შესყიდვის მიზნით მერიამ ტენდერი უკვე გამოაცხადა.

„გარეგანათების ახალი სისტემა გამზირის ორივე მხარეს, გზის 1 100 მეტრიან მონაკვეთზე დამონტაჟდება. უნდა აღინიშნოს, რომ აქამდე არსებული სისტემა ვერ უზრუნველყოფს სათანადო განათებას. პროექტი მოსახლეობის თხოვნით ხორციელდება და სავარაუდო ღირებულება 496 230 ლარია“, - აცხადებენ მერიაში.