საზოგადოება
12.04.2024 12:41
სარწყავი წყლის მაგისტრალური არხის გაწმენდის შედეგად, გორის და ქარელის მუნიციპალიტეტების 2000 ჰა ფართობი შეუფერხებლად მოირწყვება
„საქართველოს მელიორაცია“ შიდა ქართლში სამელიორაციო ინფრასტრუქტურის მოწესრიგების ღონისძიებებს განაგრძობს.
სოფელ საქაშეთი-სასირეთის ტერიტორიაზე ნატანი მასის და დანალექი გრუნტისგან ზედა რუს სარწყავი სისტემის დაახლოებით 3 კმ სიგრძის მაგისტრალური არხი გაიწმინდა.
სამუშაოები არხში წყლის შეუფერხებლად გადინებას უზრუნველყოფს და, შედეგად, გორის და ქარელის მუნიციპალიტეტების 2000 ჰექტარ სასოფლო-სამეურნეო მიწის ფართობზე სარწყავი წყლის მიწოდება გაუმჯობესდება.
როგორც „საქართველოს მელიორაციაში“ აცხადებენ, მოწესრიგებული სარწყავი სისტემით სოფელ ქვემო ნიქოზის, ფხვენისის, შინდისის, ვარიანის მეურნეობის, საქაშეთის, სასირეთის, რუისის და ურბნისის ფართობები ირწყვება.
