გორის სახელმწიფო უნივერსიტეტის რექტორის, პროფესორ ალექსანდრე მღებრიშვილის მორიგი მონოგრაფია - „ზაალ მაჩაბელი და სცენისმოყვარეობა სამაჩაბლოში“ გამოვიდა.
გორის სახელმწიფო უნივერსიტეტის ადმინისტრაციის ინფორმაციით, ნაშრომში შესწავლილია მასალები ოკუპირებული ცხინვალის რეგიონის კულტურული მემკვიდრეობის ისტორიიდან. ამ თემატიკის წინა პლანზე წამოწევა კი ხელს შეუწყობს რეგიონის ლიტერატურულ-კულტურული ცხოვრების ისტორიის ნაკლებად ცნობილი ფურცლების სწორი ორიენტირებით გააზრების მნიშვნელოვან საქმეს.
„ტექსტი საინტერესო იქნება ჰუმანიტარული პროფილის სამეცნიერო საზოგადოებისთვის, სტუდენტებისთვის და საკითხით დაინტერესებული მკითხველისთვის“, - აცხადებენ გორის უნივერსიტეტში.
წიგნის რედაქტორები არიან ფილოლოგიის მეცნიერებათა დოქტორი პროფესორი ივანე მთვარელიძე და ფილოლოგიის მეცნიერებათა დოქტორი, პროფესორი თამილა გოგოლაძე
2024 წლის 25 ივნისს, 15 საათზე, საჯარო შეხვედრა ჩატარდება გორის მუნიციპალიტეტის მერიაში, მის.: გორი, გ. ფერაძის ქ. #5