გორის მუნიციპალიტეტის მერიის და ახალგაზრდა მკვლევართა და ანალიტიკოსთა გაერთიანების თანადაფინანსებით საზაფხულო ბანაკის პროექტი განხორციელდება.

„გაზაფხულის ლიდერთა ბანაკი 2024“-ში მონაწილეობის მსურველთა რეგისტრაცია  9 აპრილს დასრულდება, კონკურსის წესით შერჩეული ახალგაზრდები კი სამდღიან ტრენინგზე გაემგზავრებიან.

„პროექტში მონაწილეობა გორის მუნიციპალიტეტში რეგისტრირებულ 14-დან 30 წლამდე ახალგაზრდებს შეუძლიათ.

ინიციატივის მიზანი გორის მუნიციპალიტეტში მცხოვრები ახალგაზრდებისთვის პროექტების წერის, ლიდერული და მართვის უნარების გაუმჯობესებაა.

ბანაკში მონაწილეობის მიზნით 80 ახალგაზრდა კონკურსის წესით შეირჩევა. ისინი 12-დან 20 აპრილის ჩათვლით, ბაკურიანში ორ ეტაპად გაემგზავრებიან“, - აცხადებენ ადგილობრივ თვითმმართველობაში.