გორელმა თავისუფალი სტილით მოჭიდავე გიორგი რომელაშვილმა ესტონეთში გამართულ ტრადიციულ საერთაშორისო ტურნირზე ოქროს მედალი მოიპოვა.

კრისტიან პალუსალუს მემორიალი ტალინში ჩატარდა. ტურნირი საქართველოს ნაკრებმა ცხრა მედლით (5 - ოქრო, 2 - ვერცხლი, 2- ბრინჯაო) დაასრულა.

აღსანიშნავია, რომ გორელი სპორტსმენი მიმდინარე თვეს თურქეთში გამართული საერთაშორისო ტურნირის ბრინჯაოს მედლის პრიზიორიცაა.

გიორგი რომელაშვილი ნუგზარ სხირელის სახელობის გორის ჭიდაობის სკოლის წარმომადგენელია.