საზოგადოება
11.03.2024 11:28
რეგიონებში განსახორციელებელი პროექტების ფონდის და გორის მერიის თანადაფინანსებით სოფელ არაშენდაში გზის რეაბილიტაცია მიმდინარეობს
გორის მუნიციპალიტეტში ინფრასტრუქტურული სამუშაოები აქტიურ რეჟიმში გრძელდება. ადგილობრივი თვითმმართველობის ინფორმაციით, შესაბამისი პროექტები, ამ დროისთვის, არაშენდაში, ფხვენისში, საქაშეთის დევნილთა დასახლებაში, ქიწნისის მეურნეობაში, ბროწლეთსა და ტყვიავი-მარანას დამაკავშირებელ მონაკვთზე ხორციელდება.
მიმდინარე სამუშაოებს, ერთ-ერთ ლოკაციაზე - არაშენდაში გორის მუნიციპალიტეტის მერი ვლადიმერ ხინჩეგაშვილი პირადად გაეცნო.
როგორც „გორის მაცნესთვის“ ცნობილია, არაშენდაში გზის რეაბილიტაცია ადგილობრივ მოსახლეობასთან კომუნიკაციის შედეგად დაიგეგმა.
პროექტის ფარგლებში მოწესრიგდება 2 400 მეტრი გზა. გზის სავალ ნაწილთან ერთად მოეწყობა სანიაღვრეები და საგზაო ნიშნები.
არაშენდაში გზის რეაბილიტაცია რეგიონებში განსახორციელებელი პროექტების ფონდის და გორის მერიის თანადაფინანსებით ხორციელდება. პროექტის ღირებულება 1 500 000 ლარია.
