საქართველოს მთავრობის ხელმძღვანელის ახალი დადგენილებით, სუროგატი დედის მშობიარობას და საკეისრო კვეთას სახელმწიფო აღარ  დააფინანსებს, - აღნიშნული დადგენილება „საკანონმდებლო მაცნეზეა“ გამოქვეყნებული.

დადგენილებას პრემიერ-მინისტრი ირაკლი კობახიძე აწერს ხელს.

„პროგრამის ფარგლებში არ ანაზღაურდება სუროგატული დედის მშობიარობა/საკეისრო კვეთის ხარჯები“, - აღნიშნულია დადგენილებაში, რომელიც 1-ლი მარტიდან უკვე ამოქმედდა.