გორის ხელოვნების სახლი თანამედროვე ქართული მხატვრული ფილმების ჩვენებას იწყებს.

პირველი სეანსი ხვალ, 1-ელ მარტს გაიმართება და მაყურებელი რეჟისორ გიგიშა აბაშიძის ფილმს - „მეზობლები“ იხილავს.

როგორც ღონისძიების ორგანიზატორები აცხადებენ, ხელოვნების სახლში პარასკევი კინოს დღეა და ხელოვნების სახლი და მოძრაობა - „ქართული კინო საფრთხეშია“,  თანამედროვე ქართული მხატვრული ფილმების ჩვენებას გეგმავენ.

რაც შეეხება ფილმს - „მეზობლები“ თბილისის ერთ-ერთი იტალიური ეზოს ყოველდღიურ ცხოვრებას ასახავს, რომელსაც ინვესტორების საქმიანი წინადადება თავდაყირა აყენებს. მეზობლები ვერ თანხმდებიან, სურთ თუ არა ძველ ბინებთან გამოთხოვება ახალაშენებულ კორპუსში საცხოვრებლის მიღების სანაცვლოდ.

ფილმი 19:00 საათზე დაიწყება, რომლის ხანგრძლივობა 3 საათია.