რეგიონებში განსახორციელებელი პროექტების ფონდის და გორის მერიის თანადაფინანსებით, სოფელ არაშენდასთან მისასვლელი გზის რეაბილიტაცია მიმდინარეობს.

ინფრასტრუქტურული პროექტის განხორციელების შედეგად გზის აღნიშნულ მონაკვეთზე მოეწყობა: ტრანსპორტის სავალი ნაწილი, საგზაო ნიშნები, მიერთებები, ეზოებში შესასვლელები და სანიაღვრეები.

„სარეაბილიტაციო მონაკვეთის სიგრძე 2390 მეტრი, სამუშაოების ღირებულება კი 1 570 736 ლარია. სამუშაოების დასრულების შემდეგ მძღოლებს და ქვეითებს დაზიანებული გზის საფარით გამოწვეული პრობლემები აღარ შეაწუხებთ“, - აცხადებენ მერიაში.