გორის მუნიციპალიტეტის მერია 10-დან 15 წლამდე ასაკის მოზარდებისთვის ინოვაციურ პროექტს ახორციელებს.

ადგილობრივი თვითმმართველობა ორგანიზაცია - „Pascal STEAM Community“-სთან ერთად მუნიციპალიტეტში მცხოვრებ მოზარდებს STEAM მიმართულებით სერტიფიცირებული, აკადემიური, ხარისხიანი თეორიული და პრაქტიკული ცოდნის მიღების შესაძლებლობას სთავაზობს.

პროექტის ბენეფიციარები 4 თვიანი კურსის განმავლობაში ისწავლიან კომპიუტერულ პროგრამებს, ააწყობენ რობოტებს და დააპროგრამებენ.

„ინიციატივის მიზანია ახალგაზრდების STEAM-ით დაინტერესება, ზუსტ და საბუნებისმეტყველო მეცნიერებების თანაბარი ხელმისაწვდომობის ხელშეწყობა და პოპულარიზაცია. რეგისტრაცია შესაძლებელია 25 თებერვლამდე. მეტი ინფორმაციისთვის დაგვიკავშირდით ნომერზე: 568 84 44 88“, - აღნიშნულია გორის მერიის გავრცელებულ ინფორმაციაში.