გორის მუნიციპალიტეტის მერიის თანადაფინანსების პროგრამის ფარგლებში, გიორგი ტატულაშვილის კერამიკის შემსწავლელ სკოლაში ახალგაზრდები კერამიკაზე მუშაობის ტექნიკებს დაეუფლებიან.

მოზარდების და ახალგაზრდებისთვის კერამიკის წარმოებას ტრადიციული მეთოდებით ტატულაშვილის საგვარეულო სახელოსნო-მუზეუმში არსებულ სკოლაში შეისწავლიან. ხელობის დაუფლებასთან ერთად, მოსწავლეებს საშუალება ექნებათ საკუთარი ნამუშევრები წარადგინონ სხვადასხვა გამოფენასა თუ კონკურსზე.

ადგილობრივი თვითმმართველობის ინფორმაციით, ინიციატივა გორის მუნიციპალიტეტის მერიის კულტურული პროექტების ხელშეწყობისა და თანადაფინანსების პროგრამის ფარგლებში ხორციელდება.