

ბრინჯაოს მედლით დაასრულა გორელმა სპორტსმენმა ომარ საურმა (+98 კგ.) საქართველოს ჩემპიონატი სამბოში.
ჩემპიონატში საქართველოს სხვადასხვა რეგიონში მცხოვრები სპორტსმენები მონაწილეობდნენ, რომლებიც პირველობისთვის ერთმანეთს შვიდ წონით კატეგორიაში დაუპირისპირდნენ.
აღსანიშნავია, რომ ქვეყნის ჩემპიონატზე შიდა ქართლში მცხოვრებმა სპორტსმენებმა ორი - ოქროს და ოთხი ბრინჯაოს მედალი მოიპოვეს.
ჩემპიონატის გამარჯვებულები მიშიკო ნოზაძე (88 კგ. ხაშური) და გიორგი ჩაგელიშვილი (+98 კგ. ქარელი) გახდნენ.
ბრინჯაოს მედალს კი დიმიტრი მულაძე (58 კგ. ხაშური), ლაშა ჩადუნელი (64 კგ. ხაშური), გიორგი ლურსმანაშვილი (71 კგ. ქარელი) და ომარ საური (+98 კგ. გორი) დაესაკუთრნენ.
საპრიზო ადგილებზე გასულ სპორტსმენებს დიპლომები და მედლები გადაეცათ.
ცნობისთვის, საქართველოს ჩემპიონატს სამბოში ზესტაფონმა უმასპინძლა.
მარლენ ნადირაძემ საკრებულოს წევრებს და დამსწრე საზოგადოებას გასული ერთი წლის განმავლობაში საკრებულოს მიერ გაწეული საქმიანობის ანგარიში წარუდგინა
ძილი არის გონებრივი ენერგიის მთავარი ფუნდამენტი, ტვინის მთავარი „დამტენი“ და სისტემური გამწმენდი - როგორ უნდა გეძინოთ სწორად
ჰაერის ტემპერატურა გორში 14-15 გრადუსია მოსალოდნელი, მუნიციპალიტეტის მაღალი ზონის სოფლებში კი - 9 გრადუსი