საზოგადოება
04.01.2024 12:21
საახალწლო ღონისძიებების ფარგლებში, გორის მუნიციპალიტეტის მერია 2000-მდე ბავშვს უმასპინძლებს
საახალწლო ღონისძიებების ფარგლებში, გორის მუნიციპალიტეტის მერია სოციალურად შეჭირვებულ ოჯახებში მცხოვრებ პატარებს უმასპინძლებს. კულტურის ცენტრში გამართულ საახალწლო წარმოდგენებს 2000-მდე ბავშვი დაესწრება და საჩუქრად ტკბილეულს მიიღებს.
„საახალწლო სურვილებით საზღაპრეთში" - ასე ქვია საახალწლო წარმოდგენას, რომელსაც გორის მუნიციპალიტეტში, სოციალურად შეჭირვებულ ოჯახებში მცხოვრები ბავშვები დაესწრებიან - ყველა მათგანი დასაჩუქრდება ტკბილეულით. გარდა ამისა, გორის მერია სოციალურად დაუცველ პატარებს გიორგი ერისთავის სახელობის სახელმწიფო დრამატულ თეატრში სპექტაკლზეც ეპატიჟება“, - აცხადებენ ადგილობრივ თვითმმართველობაში.
გორის მერია სადღესასწაულო ღონისძიებებს თანადაფინანსების პროგრამის ფარგლებში ახორციელებს.
